أوعى تقف فى وش مسئول وتقول أصله فاسد كده هاتفسد الأستقرار
أوعى تلاقى مستندات بتدين حرامى فى البلد وتطلع تنشرها وتعرف الناس الأستقرار كده ممكن يتسرق
أوعى تعرف ان فيه حد بيسمم الشعب وبيدمر صحته تقوم تقف فى وشه ده ممكن يضيع الأستقرار والشعب موته وسمه ضياع الأستقرار
أوعى تشوف واحد بيتعذب وتعترض لأن ده ممكن يضيع الأستقرار والشعب عذابه فى عدم الأستقرار
أوعى تطالب بعداله أجتماعيه وحد أدنى وأقصى للأجور كده الاسقرار هاينزل عن حده الأدنى وأحنا عوزينه بدون حد أقصى
أوعى تطلب بحق ألى أستشهدوا أو الى فقدو نور عنيهم أو الى فقدو القدره على الحركه أو حته من جسمهم أو الى أتهتك عرضهم علشان الوطن والكلام ده أحنا عوزين أستقرار
نفقد نور عنينا ونور عين ولادنا بس نستقر
يتهتك عرضنا بس نستقر يتقتل ولدنا بس نستقر تتنهب بلدنا بس نستقر نتعذب بس نستقر نتهان بس نستقر نولع بجاز وسخ بس نستقر
الأستقرار التام أو الموت الزوئام